《诛仙现代粤语版》各位粤桂港澳以及海外讲粤语嘅朋友，大家有福啦

高佗诉

各位粤桂港澳以及海外讲粤语嘅朋友，大家有福啦！

即日起《诛仙现代粤语版》即将推出

你可以同时喺以下地址睇到，更新迅速，保证完整！

http://soengzi.blog.163.com/ 粤文轩 - 网易

http://hi.baidu.com/soengzi 粤文轩 - 百度

 

陆续重会喺 起点中文网 校园网等网页推出

希望大家多多支持！若有高手提点，无任欢迎！

 

本人联系地址 

QQ，电邮：soengzi@163.com 

雅虎通，MSN，电邮，：soengzi@yahoo.cn

QQ（838037462）ICQ：356821660

 

 

以下先贴出序章同第一章，等大家先睹为快

 

诛仙现代粤语版

 

诛仙 原著 萧鼎

现代粤语版 商之

 

　　正文 序章

 

　　时间：唔知，鬼咁死耐以前。

 

　　地点：神州浩土。

 

　　天地不仁，以万物为诌狗！

 

　　世界上本来就系冇乜所谓嘅神仙，不过追溯翻远古时代，人类望见周遭世界，鬼五马六，一时又狂风暴雨，天灾人祸，V哇鬼叫，唔系话一般人做得到，都唔讲得笑。於是就以为九天之上，有诸般神灵，九幽之下，亦系阴魂归处，阎罗殿堂。

 

　　於是神仙之说，就流传於世。无数子民，诚心叩拜，所以呢，寺庙道观就香火鼎盛喇。

 

　　讲开又讲吖，凡人都无不有一死。之不过世人呢就都系贪生怕死个喎，更加有地府阎罗，牛头马面，勾魂使者之说，吓到人心惊惊，喺噉嘅情况下，就有咗长生不死之说嘞。

 

　　相比起其他物种，人类或者喺体质上输蚀啲咁多，不过万物灵长，就冇有花假嗰噃。喺追求长生嘅原动力之下，一代代聪明绝顶之士，瞓身落去，冚副精力，苦苦钻研。时至今日，虽然，真正意义上嘅长生不死之法依然未搵到，但系就有一啲修真炼道嘅高人，参透天地造化，以凡人之躯，掌握强横力量，借助各种法宝，竟然都可以震撼天地，有雷霆之威。而一啲得道高深嘅前辈，更加系传说生存咗千年而不死。世上之人就以为得道成仙，於是就有更多人投入修真炼道之路喇。

 

　　神州浩土，广瀚无边。唯有中原大地，最系丰美肥沃， 天下人口十之八九聚居於此。而东南西北边荒之地，山穷水尽，又多凶兽猛禽，又多恶瘴毒物，又有蛮族夷民，虏毛饮血，人迹罕至。自古相传有洪荒遗种，残存人世，藏於深山密谷，寿逾万年，但系就冇人见过。

 

　　时至今日，人间修真炼道之人，多如过江之鲫，数不胜数。又以神州浩土之广阔，人间奇人异士又多，所以修炼之法林林总总，俱不相同。长生之法重未搵到，反而逐渐有咗门派之分，正邪之别。由之引起嘅门户之见，勾心斗角乃至争伐杀戮，在所多有。

 

　　当长生不死睇起嚟噉遥不可及嘅时候，修炼中所带来嘅力量，就逐渐成咗好多人嘅目标。

 

　　方今之世，正道大昌，邪魔退避。中原大地山灵水秀，人气鼎盛，物产丰富，畀正派诸家牢牢霸住。其中就以“青云门”、“天音寺”、和“焚香谷”系三大档，是为马首。

 

　　呢个故事，就系从“青云门”开始嘅喇。

 

　　正文 第一章 青云

　　

 

　　青云山脉巍峨高耸，虎踞中原，山阴有大河“洪川”，山阳有重镇“河阳城”，扼天下之咽喉，地理位置相当紧要。

 

　　青云山连绵百裏，峰峦起伏，最高有七峰，高耸入云，平时就白云揽山腰，不识庐山真面目。青云山山林密布，飞瀑奇岩，珍禽异兽，景色幽险奇峻，天下出名。

 

　　之不过更有名嘅，系喺呢座山上嘅修真门派----青云门。

 

　　青云一脉，历史悠久，创派至今都经已有两千几年，系家阵正邪两道之首。听讲开派祖师本来系一条江湖睇相佬，冇人冇物就穷到哝，都走头无路咁滞架喇。喺佢四十九岁嗰年，云游四方，行埋嚟青云山，一眼就及到呢座山钟灵奇秀，聚天地灵气，系一哒风水宝地。跟住就即刻上山，饮风吔露，修真炼道，冇几耐，竟然喺青云山深处一度秘洞内，执到本无名古卷，上载各种法术，艰深枯涩，但系妙用无穷，劲到爆镜。

须雪闵

 

　　睇相佬执到宝，就梗系潜心修习。眨下眼廿年，小有所成，咪出翻嚟罗，几番江湖风雨，虽然话吞唔落成个江湖，到成咗一方枭雄。於是喺青云山上，开宗立派，名曰：青云。因此古卷所记，近於道家，佢乾脆做迷道士，自号“青云子”，后世子弟都尊称做“青云真人”。

 

　　青云子寿三百六十七岁，身前收咗十个弟子，临终前讲低：“我半生睇相，尽精相术，尤精风水。呢青云山乃系人间罕有灵地，我青云一门霸住呢座山，以后必定兴盛，你哋千祈咪放弃啊。切记，切记！”

 

　　当时十个弟子个个噏头，信到十足，青云子啱啱归西。鬼知佢呱咗之后百年间，唔知系天意弄人，定根本系青云子睇错眼啊，青云门不单止冇发达，反而慢慢收皮添。

 

　　十个弟子中，两件早夭，四件喺江湖劈友时钉咗，净低一件残废，一件失踪，得翻两脉。就噉过咗五十年，青云山方圆百裏发生咗从未有过嘅天灾地震，山洪爆发，地动山摇，死伤无数，竟然又呱埋一脉。而得翻嘅死剩种，又因为资质问题，冇乜料到，反而因为本古卷，引埋啲狂蜂浪蝶，日夜踩场，若果唔系青云子留低嘅几件劲嘢，可怕青云门都经已被人扫咗。

 

　　呢种情况一直持续咗整整四百年，青云门冇嚟神气，直程可以用“苟延残喘”嚟形容。到咗最后，甚至俾人虾到上心口，青云七峰，除咗主峰通天峰，其余六座都俾外敌霸埋，其中重有强盗悍匪，以做据点，四处抢掠。唔知情嘅人以为青云门堕落成噉，真系无眼睇罗，青云子弟有心杀敌，但可惜系有心无力，可怜可叹。谂翻起身，的确喺系青云一脉最悲苦嘅一段日子啊。

 

　　直到距今一千三百年前，情况先有咗改变。

 

　　大概系青云子嘅相术终於显灵咗，或者系个天攰啦，唔想再玩青云门，喺呢个时候，从青云门第十一代传人里面，竟出咗一个惊才绝艳、领袖群伦嘅顶级大哥----青叶道士。青叶俗家姓叶，原本系一个穷酸秀才，天资聪颖过人，但系任考唔中，傻人傻福，做咗青云门第十代掌门无方子嘅关门弟子，先二十有二。

 

　　青叶入门之后，一年就将无方子所传嘅所有剑术法道领悟贯通，喺所有弟子中独占鳌头。又过一年，就连无方子都只能同佢勉强打个平手。无方子又惊又喜，即刻将祖师传落嘅嗰本古卷拎出，传畀青叶。於是青叶就喺通天峰后山“幻月洞”闭关，呢一关就系十三年，啱啱先至破关而出。

 

　　据说佢破关嗰阵，正系月圆之夜。冷月高悬，成座青云山通天峰就好似日头噉。突然狂风大作，后山竟有龙吟长啸，声震百裏，听到都惊。淡紫祥光，冲天而起，一声巨响，幻月洞府炸开，青叶鹤发童颜，身有清光，慢慢行出，众人骇然，以为成仙。

 

　　之后，青叶正式出家，以本家姓叶，取青云之“青”字，所以叫青叶。佢当日笑别恩师无方子，讲：“师尊稍待，弟子出去办事，一日即回。”

 

　　大家都唔知佢搞边科，一日夜之后青叶御剑而回，青云山六峰外敌，竟然全部冚家富贵。青叶道士道法之强，手段之毒，一时间风吹火起，青云门声势大振。

 

　　又过一年，无方子将掌门之位传畀青叶，自己清修去咗，唔再理门中闲事。青叶掌权之后，励精图治，大力扶助同门，严格挑选传人，再讲佢从嗰无名古卷上领会所得，有神鬼之威。青云门从此蒸蒸日上，五十年间，变成正道大档，而到咗二百年后，就已经领袖正道各派。

 

　　青叶真人高寿七百五十岁先死，佢一生收徒严谨，只传七人，於是将青云七峰年晚煎堆，共传香火。其中长门住喺主峰通天峰青云观中，系重心所在。

 

　　时至今日，青云门下弟子都成千人，高手如云，声威显赫，同“天音寺”、“焚香谷”并列为当世三大档。而掌门道玄真人，超凡入圣，更系当世一等一嘅绝世高手。

 

　　※※※

 

　　青云山脚底，离大城“河阳”重有五十裏地嘅西北方，有条村叫“草庙村”。呢度住咗四十几户人，民风淳朴，村中百姓大多上山斩柴畀青云门换银两使。平时裏村民常见青云弟子飞嚟飞去，又识变法术，以为得道成仙。而青云门不喽好睇四围百姓，对呢度嘅村民都算唔话得。

楮莺韵

 

　　一日，天空阴沈沈，乌卒卒，畀人有股透唔过气嚟嘅感觉。

 

　　从草庙村度望去，巍峨嘅青云山直插天际，奇峰怪岩，隐隐带咗一丝妖邪。

 

　　之不过，村民们住咗咁耐，见惯不怪，懒理，更加唔好讲无知细路啦。

 

　　“死靓仔，你走去边？”大嗌又带几分笑意，出自一个大细路之口，佢望落十岁左右，眉清目秀，带住四、五个细路仔，追著前面另一个细路。前头嗰细路细佢两岁，矮啲，笑吟吟，搏命冲，间中重柠头画个大花猫。

 

　　“张凡，有种你企喺度！”后面个细路大叫。

 

　　前头嗰个叫张凡嘅细路“呸”咗一声，边走边唱：“边个话我傻，傻，傻，我请佢食烧鹅……”越叫越走。

 

　　一路追，呢啲细路慢慢走近村东嘅嗰间破旧草庙。从外望去，呢座草庙残到废晒，都唔知经历咗几多人世风雨。

 

　　张凡冲咗入去，鬼知一唔留心，居然俾门板掯咗一下，拍一声，仆街。后边几个细路大喜，一拥而上，将佢压喺底下，条友好鬼得戚：“俾我捉住咗，呢下你冇嘢讲啦？”

 

　　点知张凡怪眼一翻：“唔算唔算，你出猫，唔算”

 

　　条友一呆：“我几时有出猫喎？”

 

　　张凡：“你条友好嘢，你敢够胆讲呢度门唔系你放喺呢度咖？”

 

　　嗰个叫林惊羽嘅细路大声讲：“你都戆居嘅！”

 

　　张凡一咩嘴，头一拧，一副打死唔怕嗰样。林惊羽扯火，一手扼住佢嘅颈，：“讲好咗捉到就认输嘅，你服唔服？”

 

　　张凡踩你都傻哇。

 

　　林惊羽块面暴红，手上出力，大声讲：“服唔服？”

 

　　张凡气管俾佢扼住，呼吸困难，慢慢块面都开始涨红，不过佢人仔细细，牛过碌蔗，硬系一声唔出。

 

　　林惊羽就越嚟越顶，力越嚟越大：“服唔服，服唔服，服唔服？”

 

　　其他细路一睇唔对路，冚嘭唥缩沙走鸡，净低呢两个无知细路，为咗意气之争，死鸡撑饭盖。

 

　　眼睇住一场大祸便无端生出，突然听草庙深处一声佛号，有人讲：“阿弥佗佛，速速收手。”

 

　　一只干瘦手掌，横空而出，伸出二指，喺林惊羽双手上弹咗一弹。林惊羽好似俾电击噉，全身大震，双手松开。

 

　　张凡索晒大气，明显系谷得太耐。佢两条友，醒翻神嚟，对望一眼，彼此都越谂越惊。

 

　　林惊羽傻傻哋讲：“细凡，对唔住呀。我都唔知点解……”

 

　　张凡拧咗拧头，顺翻条气，讲：“没事。咦，你系边个？”

 

　　啲细路顺住佢眼光望去，只见喺庙中，企紧一个老和尚，块面皱纹横生，一身烂衫，全身上下污糟邋遢。手攞住一串碧玉念珠，晶莹剔透，耀人眼目，淡淡青光。奇怪嘅系，喺十几粒大细一致，光洁剔透嘅青玉念珠中间，偏偏还夹住一粒非玉非石、颜色深紫、暗淡无光嘅圆珠。

须雪闵

http://www.txtbbs.com/index.php?fromuid=525203 

内有大量武侠资源 
作家评论 
说说我们自己喜欢的作家，评评他们的作品，欢迎发言讨论，交流读书心得。 
子版块: 『沧月』 『梁羽生』 『黄易』 『古龙』 『金庸』 『步非烟』 

http://www.txtbbs.com/index.php?fromuid=525203 
TXT小说书库 
符合发书要求的TXT帖子将被收录于本书库或相关版块。 

子版块: 【TXT武侠小说下载】 


免费 
安全无毒 
不用注册即可阅读 
注册即可享有下载资源 
可透支下载小说40?